აქ პოეზიას სუნთქავ ფილტვებით
და ვაჟას სული მეფობს უკვდავი.
ვერ გამოხატავ სათქმელს სიტყვებით,_
რა შეგრძნებაა იხილო ფშავი!

აქ ხარობს დეკა, ღვია და ქუჩი;
ღამის გუშაგი ბუ, ხან ჭოტია;
მთის წყარო კლდე სალს ჩაუკრავს გულში;
მთვარეს შეჰყმუის მგელი ტოტია;

ჩხიკვთა ქორწილი ალხენს ხმელ წიფელს;
ჭალაში შლეგი შხუის არაგვი;
ირაოს შეკრავს ფრინველთ ხელმწიფე;
აქ ყუნჭს იისთვის უთქვამს არაკი;

ქედები, კლდე-ღრე, ღელე და ხევი,
ობოლ შვლის ნუკრის ცრემლის კურცხლები,
სულის წიგნიდან ამონახევი,
გამოუთქმელი გრძნობის ფურცლები!​