 | ავტორი: მირანგულა
ჟანრი: პოეზია
13 სექტემბერი, 2013 |
ეს დროც მიილია, როგორც მელოდია
დავრჩი ყველასაგან არცთუ შორი–ახლო...
შენზე ფიქრები კი, ისევ შემოდიან, –
გთხოვ, შენც გამიხსენე, დრო რომ მოინახო.
გახსოვს? – გაგამუზე; გახსოვს? – გიმღეროდი...
ახლა ვინ გიმღერის? ვინ გწერს იმ სტრიქონებს?..
მუდამ ამოუცნობს ჰგავდი – იეროგლიფს:
გსურდა უსაზღვრობა, გძულდა სივიწროვე...
ალბათ ასეთია ჩემი "Happy End"-ი:
დავრჩი ყველასაგან არცთუ შორი–ახლო...
თუმცა მოგონებად მაინც მეტკბილები, –
გთხოვ, შენც გამიხსენე, დრო რომ მოინახო.
| კომენტარები |
ილუსტრაციები |
რეცენზიები |
|
| მონაცემები არ არის |
|
| მონაცემები არ არის |
|
|
