იყო- არცთუ ისე ადვილია,
როცა გეშინია დამარცხების.
თუმცა, რაც შენამდე მანძილია,
ბევრი გარჯა სულ არ დამჭირდება,
ერთი სურვილითაც გადავწვდები...

როგორც დარიუსის ურდოები,
ხელით მანიშნე და დავიძვრები...
თუ გსურს... თუ არა და უძლური ვარ,
სხვისას მოსაკუთრედ ჩავითვლები.

მოსვლას მთხოვ და სურვილს აგისრულებ,
მხოლოდ დასვენებით დავიღლები.
ბრძანე... ტკივილისფერ ჰაბიტუსებს
მიწყივ სურვილითაც გავეცლები...

უშრეტ ანამნეზად დაგიტოვებ:
"ცაზე აღმოჩენილ ნაფეხურებს",
ღიმილს მოკიდებულს კოცონად და
მერე, გრძელი კიბის საფეხურებს

ნელა გავუყვებით, როგორც ვიცით,
რომ არ დავაჩქაროთ ერთმანეთთან...
ჩავა მზე- დაღლილი უსაზღვრო ცით.
ქალაქს ერთით მეტი-ჩვენებური,
სველი სიყვარული ეხარება.