მე შენ მიყვარხარ, სამყარო შეგარქვი,
შენ ერთი მზე ხარ ჩემს სამყაროში.
სევდის ღრუბელი მეხ-მათრახს მირტყამს
უშენოდ ყოფნის ფეხ სველ ღამეში.

კოცნის სიზმარი დიდხანს გრძედება,
ხანაც გაღვიძებს ეჭვების ზარი,
მე შენ მიყვარხარ, გეყო ცრემლები,
არც მე მეშვება მაგ ტანჯვის ცვარი...

მე შეიძლება შენ მოგატყუო,
მე შეიძლება ვინმესთან დავწვე,
მაგრამ იქ, სინდისს როგორ გავექცე,
იქ ზევით ქრისტეს რა პასუხს გავცემ?!

მე შენ მიყვარხარ, უფრო და უფრო,
შენ მეხმარები მაშინაც როცა,
როცა არ იცი როგორ მამაღლებს
შორიდან შენი გულწრფელი ლოცვა.

დამშვიდდი როცა ჩემს გამო ღელავ,
ახლა სადა ვარ, როგორ ან ვისთან?
შენს თავს ვფიცავარ, მხოლოდ შენთვის ვარ,
სხვისთვის ვიქნები -ნაძერწი ქვისგან!

მე შენ მიყვარხარ, ცხოვრების ხიდზე,
ორივე მხარეს შენ მეყვარები,
ყოველ შობაზე საჩუქრად ვუძღვნათ
შვილები ერთურთს -ნუ მედავები!

მე შენ მიყვარხარ, სამყარო შეგარქვი,
შენ ერთი მზე ხარ ჩემს სამყაროში!
სევდის ღრუბელი მეხ-მათრახს მირტყამს
ყველა უშენო ფეხსველ ღამეში.