ნუ ეჭვიანობ, მე შენი ვარ, გულით ვარ შენი,
მერე რა, თუ კი უხმო ფიქრმა ასე ჩაგვძირა,
რომ გათენდება, გავემგზავროთ იმ თეთრი გემით
და ყველაფერი, მო , დავიწყოთ სულ, სულ თავიდან.
ნუ ეჭვიანობ, შენ ხარ ერთი, ვინც მიყვარს გულით,
ერთი ხარ, ვისაც შემიძლია ბოლომდე ვენდო,
გადმომაწოდე მეწამული გრძნობის აგური
და სიყვარულით ამოვავსოთ ეს ჩვენი ეზო.
ხვალ უკვე კარებს შემგვიმტვრევს წელი ახალი,
ბედნიერების მოლოდინით ავავსოთ თასი,
მსურს გავისტუმროთ სიხარულით წელი მრავალი,
მოგონებებით აღტაცება არ იყოს ფარსი.
ნუ ეჭვიანობ, მე შენი ვარ, გულით ვარ შენი,
მერე რა, თუკი უხმო ფიქრმა ასე ჩაგძირა,
რომ გათენდება, გავემგზავროთ იმ თეთრი გემით
და ყველაფერი, მო, დავიწყოთ სულ, სულ თავიდან.