მე გათოშილი გიწვდიდი ხელებს,
თვალის ხამხამით ვიმტვრევდი ლოლოს,
იქნებ შენ გქონდეს სითბო და ცეცხლი
მე ეს მინდოდა მხოლოდ და მხოლოდ

შენ კი მითხარი რომ დაფიქრდები,
გაწყობს თუ არა გათბობა ახლა,
იქნებ მე სულაც აღმოვჩნდე მგელი,
როცა შენ თურმე გაწყობდი ძაღლად..

შენ დატრიალდი გამთბარი ფიქრით,
სქელი ხალათი სულს გიფარავდა,
ჩემს სახეზე კი ყინვა და ფიფქი,
ეპიტაფიას სიტყვებს პარავდა.