წლები გადიან,სამწუხაროდ ვხედავთ წამებად,
თუმცა არ იცის ველ-საზღვარი დრომ და საათმა.
დავიბადებით....უცებ მოდის გარდაცვალება.

არასდროს არის ადრე,გვიან...ძველი სიტყვები...
თუმც უნდა გვწამდეს რომ უდროო არაფერია.
ღმერთს არ სჩვევია შეხვედრების გადავადება.

ძნელი ყოფილა ორი საქმის ერთად კეთება,
მაგრამ ყველანი მისიით ვართ ქვეყნად მოსული.
ის არ გვპატიობს ჩვენი დროის გადამეტებას.

ზოგჯერ ვერც ვხვდებით ამ მისიას ისე ვასრულებთ.
ამიტომაა რომ მიდიან მოულოდნელად....
ერთადერთ მიზეზს იქ უფალი დაგვიდასტურებს.

ყველა მივდივართ,მხოლოდ დროის არის საკითხი,
იქ წაუსვლელი ჯერ არავინ დაბადებულა.
წასვლა ძნელია.........
არც დარჩენა არის ადვილი!....