სარდაფები გადარჩა (რ. ჯოჯუა)

შეგირდს მითურ აპოლონისა
დაულაშქრავს ხელოვნების ქარაფი
და გამხდარა მსხვერპლი დროთა ომისა
ფიროსმანის მოხატული სარდაფი

დამსხვრეულა მისი ძველი ფიალა
ათას მოკლე სადღეგრძელოდ ნაცვეთი
ბევრი თქვა და ბევრ ბილიკზე იარა
არ შემორჩა მისი სიტყვა არცერთი

რადგან მხატვარს უფასდება ნახატი
პოეტს მწერალს ათას დოგმის გადაჭრა
როცა მის თეთრ ჟირაფს დავინახავდი
ვხვდებოდი რომ სარდაფები გადარჩა...