დედამიწა

შიშმა დააპურა შენი ოცნებები,
ბუხრის საკვამურში ღამე მშობიარობს,
მე კი, დედამიწავ, ისე მოგედები,
რომ მზემ უნებართვოდ ვერ შემოგიაროს.

მოგითვინიერებ ცა-მზიდ ქარბორბალებს,
მთვარეს ვარსკვლავების ეტლში შეგიბამ და
ხარის რქაზე შემდგარს, ისე გაბზრიალებ
დროშიც დაგკარგავ, და შენი გალაქტიკაც

ვეღარ დაგატყდება თავზე ქვა-მეხად და
ვეღარ დაგამადლებს ჰაერს, წყალს და მიწას,
მუზაში შეგახვევ, ლექსში ჩაგკეცავ და
ასე მოგიტაცებ, ჩემო დედამიწავ.
28.02.2013წელი