ესეც გაივლის და ისიც წავა
თოვლის ფიფქები დაფარავს ქუჩას,
დასავლეთისკენ მზე ისევ ჩავა
ხელს კვლავ გაუწვდის ღატაკი ხურდას.
ესეც გაივლის, ვარდიც დაჭკნება
ამაოების მზერით დაღლილი,
ხეებს ფოთლები კვლავ დასცვივდება
დროის ბრუნვისგან გახუნებული.
ესეც გაივლის და ნათელ ფერებს
შეეპარება სულში ნაღველი,
დროის სივრცეში გაინაპირებს,
აღარ იქნება ედემთ მფარველი.
ესეც გაივლის და ისიც წავა
ვით ჩქაროსნული მატარებელი
ალვის ხეებზე ვით სურო ავა
აღსასრულისთვის მახარობელი.