მე შენ გიმღერებ
ლურჯ მონატრებას
საკუთარ სახლის,
ღრუბლებს ვით ღერებს
სიგარეტის, წამწამად დახრი,
ახლი, ახლოდან, სიხარულით
კულულებს ქერას,
ორფანჯრა კედლებს,
მაგრამ გახვალ
მე შენში მჯერა,
რომ მარცხდება
ვეფხვი და ლომი
და რა მზის მზერა–
შენი ნება,
პირველი ტომი
ბიბლიისა იქნები, ჯერაც
მჯერა, ჟღერა ომის
გაგახსენებს
შენს გზას და მხარეს
სადაც გელიან
და მთელია რაც გულს ახარებს,
ეს შენ ხარ ყოფნა
და მე კი ვარ მსახური შენი,
არ მსურს მე ჯობნა,
მაპატიე სიტყვა ამდენი.