ნიცას ბურთი დაუგორდა,
დაედევნა ლივია,
-გოგო შენ რა ჩურჩუტა ხარ,
ნახე რა ადვილია.

ბურთს ამოჰკრა მარჯვედ ფეხი,
დაედევნა ფრიდოსი,
ფეხი ფეხზე გამოედო
აყირავდა მინდორში.

გადაახტა ფრიდას ნიცა,
ხორხოცებს და მისდევს ბურთს.
მისდევს, მაგრამ გადაასწრეს
კირა შეუერთდა გუნდს.

ყველამ ასე მხიარულად
მოილიეს თამაში,
შინ მისულებს დედა დახვდათ
კართან: -აბა "ვანაში"

მერე ერთად ისადილეს,
ერთად დაიბანეს პირიც,
წყალიც ერთად დალიეს და
ერთად მოინდომეს "ფისიც".

ერთად უნდათ ყველაფერი,
რაა ცუდი ამაში?!
ხელიხელს ჩაკიდებულნი
ერთად დაწვნენ "ნანაში"