არ დამიგო ფარჩა

ისევ შემოჰკივლა ჭოტმა
ას გზის მიტოვებულ ქარაფებს,
ჩემი საამაყო მოდგმა,
უკვე არ მიყვება არაფერს

ძველი დიდებული წლების
ნათელ, ნავაჟკაცარ ამბავზე.
ჩრდილებს გაუხუნდა ფერი,
ბულბულს ჩამოსთვლიმა აკვანზე.

არა, არ დამიგო ფარჩა,
ჩემთვის მინდვრის ნამი მეტია
წლებზე, -რაც სავალი დამრჩა,
უფალს რაც გაუმეტებია...

6.10.2013წელი




@ @ @

ექსპრომტი მეუღლეს

ამ ცხოვრებამ არ მაცხოვრა,
იმ ცხოვრებისა -არ მჯერა,
ვემსგავსები ხან მათხოვარს,
ხანაც სიზმრად ფათერაკს

ვერ აცილებულ გომბიოს,
მზერით, სიცოცხლეავსილით,
მხოლოდ ჭაღარა მომიწყობს
შანტაჟს, და უცებ ბავშვივით

აღელვებული გრძნობებით,
ბებრულად ცახცახა თითებით,
შენთვის ასჯერაც მოვკვდები,
ცოცხალიც შენით ვიქნები.

აწი ერთ დღეს არ მოვცდები,
დაგაზრდევინებ ბაჭიებს
და
ასმეერთედ რომ მოვკვდები,
ორიოდ ცრემლი მაწიე...

P. S. შენი დაზრდილი მერცხლები
მამას, საფლავზე მაწვიე...

13. 10. 2013წელი