"სიყვარულით უნდა ავიტანოთ ტანჯვა,
ვინაიდან ტანჯვა სიყვრულის ნაყოფია,
ძალა ტანჯვაშია!"
კირიონ II,
სრულიად საქართველოს კათოლიკოს-პატრიარქი

თუკი გწადია ამაღლდე ცამდის,
უკეთურ ზრახვებს მოსწყდი, მოეშვი,
კეთილ საქმესთან შეამხანაგდი,
დატოვე ცოდვა სიმარტოვეში!

თუ გინდა თავი გააცნო კოსმოსს,
შენი ვარსკვლავი თავად შეჰქმენი,
მიაგდე ხორცი, ცხოვრებამც კორტნოს,
სულს კი ასწავლე გზა აღმაფრენის!

და თუ გსურს განცდა მარადისობის,
არ არსებობის დასასრულისა,
მაშინ ჯერ ტანჯვით მოგიწევს ტრფობა -
ტანჯვა პირმშოა სიყვარულისა!