"მხოლოდ ღმერთს აქვს ჩემი გაღვიძების უფლება."
              (ოსკარი)

მათ არ იციან დროის ფასი
ძვირფასო ოსკარ!
ჩვენ ვიცით სხვებზე ადრე მოვკვდებით,
სხვებივით არა.
შენ ვერ გაიგე, რომ დედა როზას
არაფერი გაეგებოდა კეტჩის თამაშის,
რადგან ბოლო გვერდი უშენოდ დაიწერა.
ოსკარ, თითქმის შემძულდი, როცა გავიგე,
რომ დაწვი კატა, ძაღლი და წითელი თევზები.
მერე კი წარმოვიდგინე, როგორ გემრიელად მიირთმევდა კატა წითელ თევზებს
შემდეგ კი ძაღლი კატას და გავიფიქრე,
რომ ათი წლის ბიჭის კვალობაზე კარგად შეგძლებია გადაწყვეტილების მიღება
და თუ სახლში ერთად ცხოვრობენ ძაღლი, კატა და წითელი თევზები
გადაწვით სახლი..

შენ წერდი წერილებს ღმერთს, მაგრამ არ იცოდი მისამართი.
მეც შენსავით ვიქცევი,
თუმცა ღმერთის ნაცვლად შენ გწერ..
დახუჭე თვალები ოსკარ, ჩვენ სხვებზე ადრე მოვკვდებით,
მერე რა, რომ პეგი ბლუს კანი აღარაა ცისფერი.
დააძინე შენს ორგანიზმში სიმსივნე.
დღეს ისევე აღარ ესმით ჩემი, როგორც შენი არ ესმოდათ.

დახუჭე თვალები ოსკარ..