გუშინ საწოლზე წამოწოლილმა დავინახე
ფოთოლი ფანჯრის რაფაზე.
პატარა,
მოცახცახე
ფოთოლი
დილის ნამი რომ ოფლივით ემჩნეოდა კეფაზე.
ვუყურებდი ცოცხალ ფოთოლს თვალებში
პირდაპირ
პირდაპირ
თვალებში
და პირველად ვილაპარაკე გუშინ თვალებით...
დიახ, გუშინ საწოლზე ვიწექი როცა დავინახე ფოთოლი
და მივხვდი აქამდე ყოველთვის მეგონა
ფოთლები იყვნენ
ფოთლები
მეტი არაფერი...
გუშინ საწოლზე წამოწოლილმა კი დავინახე
დაღლილი ფოთოლი
და ჰოი საოცრებავ!
ყველაფერი...