ცხოვრება. ერთი პატარა სიტყვა, უბრალო და არაფრით გამორჩეული, მაგრამ სიტყვა, რომელიც იტევს მთელ სამყაროს, ყველაფერს, რეალურსა თუ ფარსს, გაგონილსა თუ გაუგონარს, დანახულსა თუ დაუნახავს, განცდილსა თუ განსაცდელს, სიხარულსა თუ ტკივილს.

          ვინც ამ სიტყვის მნიშვნელობაზე ჩაფიქრებულა იცის, რომ ის ყველაზე დიდი ტვირთია ადამიანისთვის, მაგრამ ყველაზე სასურველი. ბრძენისათვის ყველაზე ძნელი ამოცანა უფლისაგან, ბრიყვისთვის- ყველაზე ადვილი. ის ყველა ადამიანისთვის ინდივიდუალურია და განსაკუთრებული.

მაგრამ, ყველაზე საინტერესო მისი ფინალია.  ერთხელაც, როცა ცხოვრება მიგიმწყვდევს კუთხეში, სადაც გაიძულებს იფიქრო მასზე, -შენს ცხოვრებაზე, ჩაიხედავ სულში და შენი სულის სარკეზე ნათლად წაიკითხავ: როგორ გიცხოვრია, რა გაგიკეთებია, როგორი კვალი დაგიტოვებია შენი ცხოვრებით ამ სამყაროში და ნეტა იმას, ვინც მაშინ კმაყოფილებით გაიღიმებს და თავს ბედნიერ ადამიანად იგრძნობს. ნეტა იმას, ვინც მაშინ იგრძნობს, რომ უცხოვრია.


19.06.2014წელი