წლობით შემეძლო ვმჯდარიყავი საათის პირდაპირ
არ მბერზდებოდა ლოდინი.
ჩემს საათს არ აქვს ისრები
და ყოველთვის ერთ დროს აჩვენებს.

დღეს დამირეკა უფროსმა
და მითხრა, რომ ყველაფერი ცუდად არის.
ვუპასუხე, რომ ვწუხვარ.
ჰო, მე ვწუხვარ,
რომ ყველაფერი ცუდად არის
ყველაფერი ჩვენს შორის ჩადგა.

დღეს უფროსს უნდა შევხვდე
შენი ხელები ვერ იქნება ჩემს ზურგზე.

არსებობენ ადამიანები,
რომლებიც ქუჩაში გასვლამდე ბავშვობას ფანჯარასთან ტოვებენ,
რომ სახლში დაბრუნებულებს საკუთარი თავი ჰყავდეთ ნუგეშად..

შენს სახლს ახსოვს ჩემი ნაბიჯები
შენს ფანჯარაზე გაყინული ჩემი თვალები
და იატაკზე უხმოდ წოლა,
რომ ფარდა სუნთქავს,
რომ ფარდა შენ გგავს..

ისუნთქე მშვიდად.
არსებობს სიმშვიდე
და ხელებს ვიხუტებ გულზე.

ჩემს საათს არ აქვს ისრები,
ისევ ის დროა რომ შევხვდით..