ოთარ გურგენიშვილი - ნიჭიერი პოეტი და შემოქმედი. მართალია პირადად არ ვიცნობდი, მაგრამ ფეისბუქზე თბილი მიმოწერა გვქონდა, პოეზიამ დაგვამეგობრა, ერთი სატკივარი გვქონდა და ერთმანეთს კარგად ვუგებდით.
მის ლექსებს ჯერ კიდევ ლიტერატურულ საიტ ``ურაკპარაკი``-დან გავეცანი, პოეტი იყო ეს ადამიანი, თავისი საქციელითაც დაამტკიცა ეს, სამწუხაროა, რომ მას ამის დასამტკიცებლად საკუთარი სიცოცხლის დათმობა მოუხდა.
მისი ლექსებიდან ყველაზე ძალიან ``ენგურის ხიდზე ვდგავართ ჭაბუკი პოეტები`` მიყვარს, ჩემმა სეხნიამ ამ ლექსით ყველა ჩვენგანის სათქმელი თქვა, აფხაზეთი მისი ტკივილიც იყო, ისევე როგორც ჩემი.
ამიტომაც ვუგებდით ჩვენ ერთმანეთს, მიუხედავად იმისა, რომ პირადად არ ვიცნობდით.
ჩვენ საქართველოსა და ხელოვნების, პოეზიის სიყვარული გვაერთიანებდა, პოეზიაც ხომ ხელოვნებაა, ხელოვნება კი მსხვერპლს მოითხოვს!
ოთარ გურგენიშვილიც ჩვენი დროის, ჩვენი თაობის გმირია!
დაბოლოს, ჯანსუღ ჩარკვიანის სიტყვებით მინდა დავასრულო:

``სამარადიოსო დიდება გმირებს,
დიდება გმირებს სახლში მოუსვლელთ!``

პატივისცემით - ოთარ რურუა (კოლხიდელი)