სულში რა ხანია, დარდმაც ვერ იხარა,
მერე ისიც გახდა მსხვერპლი სუიციდის,
შენი დაბრუნება ვეღარ გამიხარდა,
თუმცა, -თითქოს დღემდე მხოლოდ შენ გიცდიდი.

გულში მონატრებამ თავი ჩამოიხრჩო,
ბოლო იმედებიც მექცა ნაცარტუტად,
ვეღარ გეუბნები,  -რადგან გამოჩნდი თქო
აწი ვერაფერი მძლევსო...  რათქმაუნდა

დიდი პატივია შენი სიყვარული,
შენზე ოცნებებიც დიდი პატივია,
შენი დავიწყება თუმცა მინდა გულით,
მაგრამ ვერ ვახერხებ, -განა მარტივია

ერთი ხელის მოსმით გაქრეს ყველაფერი,
გულში მონატრების გვამი დავიტირო,
მაგრამ, მაგ შენს თვალებს ვერსად ვემალები...
არ იტირო...


06.09.2014