ცა გაიბუტა, სტივ, აქ წვიმაა..
და მე ჯიუტი ბავშვივით ვდგავარ
მუხლისთავები გამეყინა, აცივდა უცებ

ხვალ თუ კი ღმერთმა ინება და გამოიდარა
ჭრელი ქოლგები მოშორდა ქალაქს
ალბათ გვირილებს დავიფენ გულზე.

გავითამაშებ ძილს
სტივ, ხედავ?
ბავშვი დგას იქით
ციცქნა ფეხები დაუსველა ხელმოკლეობამ,

ჭირს აქ ცხოვრება, ჭირს
და ბედად
თუ შეხვდა ხიდი
თავს შეაფარებს.. სიმშვიდისთვის ესეც ეყოფა.

  - - -  - - - - - - -
სტივ, შენ კი სახლში იმალები
სტივ, აქ წვიმაა
მე გელოდე და გვირილები ხელში ჩამაკვდა..