მაოცებთ გოგონა
ვაშლივით ტუჩებით,
ხვალ დილით, უზმოზე მესტუმროთ იქნება.
ოღონდაც სიფრთხილით!
ცივა და ქუჩებში
თანდათან ყინვების მეფობა იწყება.
ჩაიცვით ისე, რომ ჩემამდე, ძვირფასო,
ნოემბრის სიცივემ არ გავნოთ -
თავხედმა.
დამპირდით,
არ მეტყვით - "შემეშვი, მძინავსო",
უთქვენოდ ვშფოთდები.
მიტირის სახე და
ხვალ დილით უზმოზე მესტუმროთ იქნება...
ოღონდაც სიფრთხილით!
ცივა და ქუჩებში
თანდათან ყინვების მეფობა იწყება,
არ ანდოთ სიცივეს ვაშლივით ტუჩები!