დიდი ხანია მიგატოვა სიმშვიდემ
ვერ არჩევ რა არის ირგვლივ რეალური,
თუმცა იცი, პირობითია ყველა რეალობა
და ამ პირობადადებულ სამყაროში
კოშმარებს ითვლი,

ხვდები, ყველაფერი არაფერია,
არაფრისგან შექმილი, არაფრად მიქცევადი.
წამზომი დიდი ხანია ჩართულია,
შენ კი არ იცი, რას ითვლიან წუთები
და გეშინია, რადგან არ იცი;

მახსოვს, როგორ გამოკეტე
ყველა ფიქრი ბნელ დარაბებში,
მათი სასომიხდილი კივილი
თუ დაგაფრთხობს. თითქმის არ გძინავს.
ერთადერთი თავშესაფარი
შენი უკიდეგანოდ უცნაური სიზმრებია,
სადაც ვერასდროს მოიტყუებ თავს.

ყოველ დილით კი უშედეგოდ ცდილობ
მათ დავიწყებას.
ხუჭავ თვალებს და იცი არაფერი შეიცვლება
და იღიმები
და იღიმები
და იღიმები