***
დამპალი ნეშომპალაა. მისგან წამოზრდილი, აღწრდილი ნაყოფი მეტად გემრიელია, ხოლო დამპალი ადამიანისგან წამოზრდილი-აღზრდილი ნაყოფი უგემურდება!

***
ლამპარს ჩაქრობამდე დამტარებელი ჰყავს!

***
ჩამქრალ ლამპარს გამნათებელი აუცილებლად გამოუჩნდება!

***
კალმის წვერი სიტყვის ნიშაა!

***
სიმწიფემდე ნაყოფია, ნაყოფამდე - ყვავილობა!

***
დედა, შენზე ფიქრისას სიტყვებს ვკარგავ - განვლილს შეუფასებლად ვტოვებ...

***
რა არის ცოდვა? - ის მე ვარ! 01.01.0000 წელი

***
მგლის ხროვაში ერთი ცხვარი მოიძებნება!

***
ღმერთი ფორმულებს არ იძლევა!

***
უფლის საჩუქარს უნახავად ვტოვებთ, სიკვდილამდე. არადა გვტანჯავს სურვილი შეცნობისა და ბოლოს მისი ფასი სიკვდილის წინაპირობად გვევლინება!

***
არ აშლილ ფიქრებს ჩაეცვათ ღამე და ჩუმი შრიალით შემოყვნენ ზამთარს!

***
თიკნის ხტუნვას დედა არ აუღელვებია!

***
სიცივეც და სითბოც ლოდინის შედეგია!

***
ეკლესიაში ძაძებით და გარეთ აფრებით!...


***
ყბედ დამრიგებელს საქმე არეულად მისდის!


***
მატარებელზე შეხტომა ადვილია, ჩამოხტომისას ზიანდები!


***
სიჩუმისთვის წყალს ნუ ჩაიგუბებ, წყლის გარეშე ისწავლე დუმილი!


***
მონასტერში წასვლა ისურვო არ ნიშნავს - გონში არაფერია. მასში რომ ყველაფერია სწორედ ის ითხოვს წასვლას!


***
ღმერთს საქმე, რომ შემოელია, იფიქრა თოჯინებით გავერთობიო და ადამიანი გამოძერწა...


***
ზოგჯერ ადამიანი იმდენს ცდილობს საკუთარი თავი ნეგატივში ასახოს  რომ სურათს გამჟღავნებას არ აცლის!


***
სვლები ფიგურებით ფერების არჩევით იწყება - ოთახში ბნელა!


***
ბრმა სხვისი ფერებით თამაშობს, მაგრამ მუდამ შავებით!


***
ბზარი ძარღვზე - სინდისი ზღვარზე!


***
ერთიდან ათასი - ათასიდან არც ერთი!...


***
გაელვება ციდან - აალება მიწიდან... და ცეცხლმოკიდებული ზეცა!


***
ქალი ვნების გარეშე, ეს იგივეა ვაშლი სამოთხეში - მოუწყვეტელი!


***
თვალებს აპყრობილთ ზეცამდე, დედამიწა დარაჯობს!


***
არქეოლოგობ - დამეძებ ძვლებში და მიპოვე ჰაერში!


***
იყო პრაგმატულად მოაზროვნე არ ნიშნავს იცნობდე სახელმწიფო მოწყობას. იყო სახელმწიფო მოხელე არ ნიშნავს იყო პრაგმატიკოსი, რადგან პოლიტიკა ეს მეცნიერებაა, რომელიც სწავლობს ხალხთა მოწყობას და არა პირადი ცხოვრების აწყობას!


***
პოლიტიკოსებო თქვენ სუბიექტივიზმით დაავადდით!


***
თანამდებობა, დომინოს პრინციპია!


***
თამაშით მოთამაშეს თამაშში არ უმართლებს!


***
ქუდი გვარი და სახელია, უქუდობა ტიალი მინდორი!


***
ჩემი ნაწარმოებები ჩემში იყვნენ, მე მათ დავეხსენი - აი რა არის თავისუფლება.


***
ცოდვა და სიკეთე ორი ჯოხის კვეთაა!


***
სიცოცხლეს ანბანით ვიწყებთ და ანბანითვე უნდა ვასრულებდეთ - არა რიცხვებით!


***
სიმაღლის დაპყრონის სურვილს თან ახლავს შიში ჩამოვარდნისა!


***
გაიქცე - წაიქცე.
გაექცე - წინ ათას წაქცეულს გადაეყარო!


***
გამოწვდილ ხელში ჩაქნეული ხელი ხვდება!


***
მოსაწონიდან მოსაწონამდე ხურმა გამხმარაო!


***
მეგობრის გარეშე - მაშ რა ფასი აქვს წუთის წუთობას წვეთებად ჯამში?


***
და რა გვირგვინსაც თავად დაიდგამ, ნუ წარმოიდგენ შარავანდედად!


***
ხმა გავარდნილი ველადა მეტად ქუხს, ვიდრე ხმა ქვემეხისა ტყეშია!


***
ზარმაცის ნაკარნახევი ცარიელი ფურცლებია!


***
ადამიანურის გაერთეულება, მორალის ინფლაციას იწვევს.


***
ღრმა ჭრილობას სისხლი ნაკლებ სდის!


***
ჭრილში გახედვა ადვილია, გაძრომაა რთული!


***
სილამაზეს თვალს გააყოლებ, მაგრამ წლებისთვის თვალის არიდება გვიწევს!


***
ეპიტაფია ორ სიტყვაში ჩატეული სიმართლეა, სიმართლე კი მხოლოდ ერთი სიტყვა ეპიტაფიის გარეშე!


***
ბიჭმა გოგოს სათამაშო თოჯინა გაუტეხა - გაიზარდა და მას თოჯინას ეძახდა!


***
კომპასი გზამკვლევია, მაგრამ ხელისგულზე!


***
ჩრდილი ჭრილია იზომეტრიაში!


***
ორი წიგნის ერთი ფურცელი - ეს ოჯახია!


***
ერთი ფურცლის ერთი ნაკეცი - ეს სიყვარულია!


***
წიგნი გონების სახურავია, თუ გადაშლი შეგიფარებს!


***
გრძნობას სამი იარაღი აქვს: ფუნჯი, კალამი, კლავიში - სამება ხელოვნებისა!


***
ენა სანტიმეტრებით არ იზომება, მისი საზომი ანბანის ყველა ასოა!


***
ფარდის მიღმა კულისებია - ფარდის გამოღმა ნიღბები!


***
არაფერი მითქვამს მთვარეზე - ის, ცაში აგდებული ჩემი ქუდია!


***
არაფერი მითქვამს მზისთვის და ახლა მინდა მას ვუთხრა: ქუდი არ დამიწვა, გაუფრთხილდი!




თქვენი ავლიპა არაფრიძე

გიგო რიონელი
2014 წლის ოქტომბერი-ნოემბერი-დეკემბერი