ბარბარობაა! გილოცავ და გილოცავ...გილო...
ანუ გისურვებ დაესწარი მრავალს და მრავალს,
შემახსნევინე გულისპირზე პეპელა-ღილი,
რათა ორივემ გავაფრინოთ,გავაფრი...გავა...

სხვა შემთხვევაში უშენობა მაკლდება,მაკლდე...
უშენობასაც უეჭველი აკლდები ვიცი,
ცაზე ღრუბლები დაცურავენ მთებისგან მაკე
და ყოველ დილით მზე დაგაყრის ბაგეზე სიცილს.

ყოველ ღამე კი სასთუმალთან გიჯდება მთვარე
და შენც ძარღვებში სიკვდილივით მიჯდები,მიჯდე...
გამიღე გულის მეწამული ფანჯარა,კარი,
ჩემს ხელისგულზე სუნთქვასავით მინდა რომ იჯდე,

მერე ცხრა ვაჟი გამიჩინე,გამიჩი...გამი...
და ერთი გოგოც:-ელენე,ან ნატო,ან ნინა,
ჩვენ გავაჩერებთ დედამიწას ათასერთ ღამეს
და ყველა დილა დაიმსხვრევა,ვით ბროლის მინა...
                                                 
                                                    დმ.  17.12.2014წ.