მარტივად რომ გითხრა რაც ახლა მაწუხებს
ზედმეტი სიტყვების დახარჯვის გარეშე,
ისეა, რომ უნდა იპოვო სართული
რომელშიც გელიან ან უნდა დაეშვა-

კიბეზე ცხვირ-პირის, თუ როგორც ამბობენ
მტვრევით და თითებიც იმტვრიო გზადაგზა
რადგანაც ნერვები არა გაქვს სამყოფი
რომ ბოლო ნაბიჯი ჯანდაბას! გადადგა..

მარტივად რომ გითხრა რას მივედ-მოვედე
მე ვგავარ ტალახში არეულ მინანქარს,
რა რომანტიკოსი, მელექსე, პოეტი
ქალი ვარ და ასე ქალურად მიყვარხარ..