დამიმახსოვრე ჩემო ღმერთო ამგვარი შვილი!
შენ,ჩემო ღმერთო გამიღიმე როგორაც შეძლო.
გაგიკვირდება,ყველა სათქმელს ერთბაშად ვილევ,
რავიცი მერე დავმუნჯდე ან აღარ ვთქვა,ვინძლო...

გამომესარჩლე,ვზიანდები ყოფითი კლიშით.
მაიძულებენ მოვუსმინო  და ასე შემდეგ...
ძვირფასო ღმერთო,თეთრო,მშვიდო,თვალებით გიშრის...
მე მაპატიე თუ ვერ ვხედავ სიკეთის შედეგს...

დამიმახსოვრე,ჩემო ღმერთო რაიმე ნიშნით,
ეს ყველაფერი მოსაყოლად აღარ ღირს ვფიქრობ.
ადამიანი,ხასიათი,ერთგვარი ნიშა,
არ გვაკვირდები როგორ ვიცავთ თამაშში სინქრონს...