ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

ისევ დავბრუნდი, ერთ-ორ „სმეშნოი“ამბავს მოგიყვებით და მერე ისევ წავალ...
    ქართველი ემიგრანტები ყველგან და ყველაფერში რომ ქართულს ვეძებთ ეს უკვე აქსიომაა.მაგრამ იტალიელები კი იძულებულები არიან სანამ ენას შევისწავლიდეთ ჩვენს მიერ წარმოთქმულ თითოეულ სიტყვას ჩაებღაუჭონ და თავისებურად გადათარგმნონ,რაც რა თქმა უნდა არასწორია.ერთ შემთხვევას მოგიყვებით ამასთან დაკავშირებით.ქალბატონი ნელი ევროპული საზომით ჯერ კიდევ „წიწკვი გოგოა“ 3-4 წელი იქნება რაც სამოცწელს გადააბიჯა.იტალიელი ბებო რომელთანაც მომვლელად მუშაობდა საავადმყოფოში დააწვინეს,შვილიშვილმა დაურეკა ნელის და უთხრა მოემზადე,გამოგივლი და საავადმყოფოში წაგიყვან ბებოსთანო.ნელი ჩავიდა ქუჩაში და რას ხედავს ბიჭი სპორტული მოტოციკლეტით არის მოსული.ნელიმ კი დაიწყო ნო, ნო, ნოო!.. ე. ი. არა არაო .ბიჭი ინტუიციით და ნელის შეშინებული სახით კი მიხვდა რაშიც იყო საქმე მაგრამ არ დააცალა, თავზე“კასკა“ დაახურა და აბა ჰე შემოჯექი უკანო უთხრა.რა გზა ქონდა ნელის,მაგრამ როგორც კი მოტოციკლეტი ადგილს მოწყდა წლებმა თავისი ქნა და ყველა ძვალმა და სახსარმა დაუწყო ტკივილი,ბიჭს ხელები შემოხვია წელზე და სულ ვაი ვაის ძახილით მიქროდნენ წინ!...ბიჭი ნელ ნელა სიჩქარეს უმატებდა... ნელის კიდე ვაი, ვაიიი კივილში გადაეზარდა!...საავადმყოფოსთან რომ მივიდნენ ბიჭმა ნელი რის ვაი ვაგლახით გადმოიტანა მოტორინოდან და თან გაკვირვებული ეუბნებოდა:შენ ნელი ხარ თუ შუმახერიო?!ჯერ დაჯდომა არ გინდოდა და თურმე როგორ გყვარებია სიჩქარეო!!!ცნობისათვის:ქართულად ნათქვამი ვაი.ვაი,ვაი...იტალიურად მიდი, წადი,წადის ნიშნავს! ბიჭი  მერე მეგობრებს უყვებოდა როგორი ხიფათიანი და თავაწყვეტილი სიჩქარე უყვარს ნელის!....
და კიდევ ამ ვაისთან დაკავშირებით ერთმა კარგმა ქალბატონმა მომიყვა:პირველი სამსახური იყოო, როდესაც დასვენების დღე დადგა მოვიდა შვილი და მეუბნებაო: მარია,ვაი ვაიო!ისეთი გული მომივიდაო და ვიფიქრეო ვაი და ჯანდაბა შენ! ჩემი გაჭივრება არ მყოფნის შენ კიდე ვაი ვაი არ მიძახოო!გვიან გავიგე თურმე მეუბნებოდა მარია, მიდი, წადი დაისვენეო!...
და კიდევ ერთი ამ საკითხთან დაკავშირებით,ჩვენ ქართველები, განსაკუთრებით იმერლები, ყოველი მეორე სიტყვის შემდეგ კაცოს ვამბობთ!ეს ასე არაა კაცო!...რას მეუბნები კაცო! და ა.შ
        ერთხელ იტალიელი მეუბნება,თქვენ ქართველები ძალია თავმდაბალი და ზრდილობიანი ხალხი ჩანხართ, მაგრამ თქვენ ენაზე რომ საუბრობთ სულ კაცო, კაცოს იძახითო!...ცნობისათის,ქართული გულუბკვილობით ნათქვამი კაცო, იტალიურ ენაზე მამაკაცის სასქესო ორგანოს ნიშნავს!...მაგრამ მე ერთი მიკვირს იტალიელებს ჩვენი რა უკვირთ,როდესაც თავად ამ სიტყვას პირდაპირი მნიშვნელობით,ყოველ წინადადებაში და ყველა ბრუნვაში ატრიალებენ!!!...............
    ისევ ამ თემაზე დავრჩები....ციცინოს საქართველოდან ტელეფონით შეატყობინეს,რომ მეზობლის 50 წლის ქალიშვილი ქალი გათხოვდა და თან ფეხმძიმედ არისო!...
-კაი კაცო, რას მეუბნები კაცო!რა დროს მაგის გათხოვება იყო კაცო. ერთი ის კაცი დამანახა ვინც მაგი გაასაღა!-ჩაჰყვირის მობილურში ციცინო... ერთი სიტყვით დაატრიალა სიტყვა კაცოს კორიანრელი!...
იტალიელი ბებიას ბიჭი უსმენს და ეუბნება.
    -ციცინო ხომ მშვიდობა გაქვს ოჯახში?! რატომ იგინები ასეო!
ციცინო ახალი შეჭიდებული იყო იტალიურ ენას ,ამიტომ საკმაოდ მოიკოჭლებდა. დაუწყო ქართულ- იტალიურად ახსნა
-არა კაცო კი არ ვიგინები!-როგორ აუხსნა ეხლა?! -აი მაგალითად ,შენ იტალიაში ხომ გქვია ჯოვანი, შენ ძმას ხომ ქვია პაულო! საქართველოში შენც კაცოს დაგიძახებენ და შენ ძამასაცო!
-რატო ციცინო რა დავაშავეთო?-გაიკვირვა ჯოვანიმ.
          უწმაწურ სიტყვებთან დაკავშირებით,იტალიელებმა დედის გინება არ იციან,ისე როგორც ქართველებმა.რომაელები ასე იძახიან:
-შენი მკვდარიცო!და ა.შ და ა.შ 
ნაპოლში კიდე -შენი და მომიკითხეო! იტალიის სხვა მხარეში როგორ იგინებია არ ვიცი ,მაგრამ მაგასაც დავადგენ და აუცილებლად შეგატყობინებთ!...ხოლო თუ ვინმემ უკვე იცის და საქმის კურსშია,აუცილებლად დეპეშა გამომიგზავნეთ და არაფერი დამიმალოთ!!!............
                    იტალიელ ერში ერთ-ერთი ძირძველი და მამაპაპური შეგინებაა(სხვა მრავალთა შორის)VA FANCULO…ამასთან დაკავშირებით ორი ამბავი მაქვს:
ამბავი ნომერი პირველი :) -ნანისათვის პირველი სამსახური იყო ბებიასთან და ამრიგად იტალიური ენის აღქმის პირველი თვეები.ბებოს ვაჟიშვილი ყოველ დღე მოდიოდა დედასთან და ორივე ხმამაღლა,ესპანსიურად და ჟესტებით საუბრობდნენ.ბოლოს კაცი წამოხტებოდა ფეხზე და VA FANCULO !...ეტყოდა დედას VA  FANCULO !...უპასუხებდა დედა.ჩვენი ნანიკო მიაცილებდა კაცს კარამდე და იმერული  სტუმარ-მასპინძლობით , მომღიმარი სახით, ქართული აქცენტითა  და დამარცვლით ეტყოდა :
-VA-FAN-CU-LO! …ისე ცოტა არ იყოს ნანიკოს კი უკვირდა კაცი გაშტერებული რატომ რჩებოდა კარებს იქეთ.თავისი აზრით ემშვიდობებოდა კაცს (იმიტომ რომ დედა-შვილი სულ ამ სიტყვით ამთავრებდნენ საუბარს,ნანის დამშვიდობება ეგონა)...სინამდვილეში „წადი უკანალშიო „!...(კულტურულად რომ ვთქვათ)ეუბნებოდა... თვეების შემდეგ გაარკვია ნანიმ ,რომ დედა-შვილი ქონების გაყოფის გამო აგზავნიდნენ ერთმანეთს უკანალში!
  ამბავი ნომერი მეორე :) -ქსენიამ იტალიის ერთ სოფელში მრავალშვილიან ოჯახში დაიწყო მუშაობა. დასვენების დღეს ჩამოვიდა რომში და გვიყვება:
-ისეთ ოჯახში ვმუშაობ,ისე მაფასებენ ,თვალში რომ ჩაუვარდე ხელს არ ამოისობენ!...ბავშვებს ისე ნამეტნავად  შევუყვარდი სულ უკან დამდევენ და ერთ სიტყვას მიძახიან,მოიცადეთ აგერ მიწერია ბლოკნოტში-VA FANCULO! -ნეტა რას უნდა ნიშნავდეს ჰაა?!!!
                    ნინო ცდილობს რომ იტალიური ენა გრამატიკულად ისაუბროს,ამიტომ არ ესმის იტალიელი ბებო რატომ იფარებს თვალებზე ხელებს და იძახის
-ღმერთო ჩემო მიშველეო! როდესაც ნინო ეუბნება: ნონნა სიედიტი ე გვარდამი კომე სკოპერო ილ ტუო ჯარდინო ე დ ინტორნი...
  ზმნა -სკოპარე ნიშნავს დაგვას, ჩამოცოცხვას...ერთი მნიშვნელობით ხოლო მეორე მნიშვნელობით კი-სექსუალურ აქტს...ეტყობა რომ ახალგაზრდობაში ბებია მაინდამაინც არ იწყვეტდა წელს დაგვითა და ჩამომცოცხვით და სიბერეში სკლეროზის დროს ზმნის მეორე მნიშვნელობა ახსოვდა მხოლოდ  ეხლა გადმოვთარგმნი როგორ ესმოდა ბებოს ნინოს სიტყვები:
-ბებო დაჯექი აქ და მიყურე როგორ მოგიტ.....ვ  ეზო-გარემოსო!
                    რა მაგის პასუხია მაგრამ დღეს „დეპეშა“ მივიღე ნინიმ გამომიგზავნა. იმდენი ვიცინე ძლივს მოვსულიერდი ,იმიტომ რომ რეალურად წარმოვიდგინე... ეხლა თქვენც ნახეთ ნინი მწერს: შვიდი წელია გიჟ ბებიას ვუვლი,მაგრამ მგონია რომ მე მასზე უფრო გიჟი ვარ ეხლა...ქმარი ჩამოვიყვანე საქართველოდან და ბებიას შვილს ვთხოვე აქ დარჩება ჩემთანთქო.კარგიო შვილმა,მაგრამ დედაჩემს რა რეაქცია ექნება ვერ გეტყვიო!...ისემც ყველაფერი კარგი აგიხდეთ შუაღამეზე მე და ჩემ ქმარს შემოგვივარდა ბებია ოთახში წივილ-კივილით, ამ ჩემ ქმარს რა უნდა შენთან რომ წევსო!...შენ ვის ართმევ ქმარსო!...ეხლავე ჩემს ოთახში წამოვიდეს, თორემ კარაბინიერებს გამოვიძახებ და ორივეს გაგყრით გარეთო!...
-რა უნდა ამ შობელძაღლსო!-მეკითხება ქმარი, მე გადაუთარგმნე ყველაფერი.
-მერე რა უნდა ვქნათ ეხლაო?!
-რა უნდა ვქნათ  საყვარელო და უნდა ჩაუწვე საწოლში!...
ეს რომ ვუთხარი ჩემ ქმარს მკვდრის ფერი დაედო სახეზე
-მოვიდეს კარაბინიერები რამდენს მომისჯიან მე მაგათი დედაც!... ბებიასენთან მაინც არ დავწვებიო!...
            ნინიმ ბოლო „ვიპუსკის“მობილური ტელეფონი შეიძინა და თან კარგი მუსიკალური ზარიც დააყენა,მაგრამ მისი გიჟი ბებია ყოველი ზარის გაგონებაზე კარებისაკენ გარბოდა, არიქა სტუმარი მოვიდაო!...ამიტომ ნინი იძულებული შეიქნა მობილური ძლიერ ვიბრაციაზე გადაეყვანა, ბებიას წივილ-კივილში ზარის ხმა რომ გაეგონა. ერთ დღეს ნინის ტელეფონი გაებნა,მთელი სახლი თავდაყირა დააყენა მაგრამ არაფერი.მალე ტელეფონი სულ გადაავიწყდა იმიტომ ,რომ საწოლში მყოფ ბებიას მოულოდნელად კრუნჩხვები დაეწყო... უკანალით პინგ-პონგის ბურთივით ხტოდა,ხელ-ფეხს „კვარჩხავდა“ და თვალებს აგონიაში მყოფი „ლამპოჩკასავით“ ახამხამებდა და თან ყმუოდა!...
ვაიმეეე!...ნამდვილად ავმა ზნემ (ეპილეფსია) მოუარაო!იფიქრა ნინიმ.უმალ თვალებზე შავი ნაჭერი დააფარა. პირი დააღებინა და ენა მოქაჩა, უკან რომ არ გადაეყლაპა და მერე ხის კოვზის ტარი ჩაუდო კბილებს შორის.ფეხებზე ძმრიანი ნასკები ჩამოაცვა...ეს ისე ყოველ შემთხვევისათვის!....სულ 7-ჯერ მოუარა ბებიას ავმა ზნემ.ცოტა რომ ჩაწყნარდა, ნინიმ იფიქრა ბარემ პამპერსს გამოვუცვლიო, გაუხსნა და რას ხედავს...მისი ბოლო  „ვიპუსკის“ მობილური ბებიას ფისებში და კუკებში დაცურავდა და „ვიბრირებდა“გალუმპულ ტელეფონზე ნინის ქმრისაგნ 7 ზარი იყო შემოსული და ბოლოს  მესიჯი ხუთი კითხვის ნიშნით...
-რა იყო ხომ მშვიდობა გაქვს?????-
ბებოს ტელეფონი მოწონებია და საიმედო ადგილზე პამპერსში დაუმალავს, მაგრამ საუბედუროდ ტელეფონის ვიბრაციამ კრუნჩხვები გამოიწვია! :)
            ერთ წელს ძალიან ცხელი ზაფხული იდგა,ქართველი ნანულის იტალიელი ბაბუა ხშირად მარტო მიდიოდა ქალაქიდან სოფლის სახლში,როდესაც უკან ბრუნდებოდა "პარადიზოში" ვიყავიო!..(ე.ი. სამოთხეში ვიყავი ისეთი სიგრილე იყოო!..)ერთ დღეს გაახსენდა ბაბუას შვილს მამა რომ ყავდა და ურეკავს ნანულის:
  _ როგორაა ნანული მამაჩემი?!_
  _პარადიზოში წავიდაო!_მოკლედ უპასუხა ნანულიმ...
ამ სიტყვის გადატანითი მნიშვნელობა იტალიელისთვის იგივეა როგორც ქართველისთვის ,რომ იკითხავს:
    _როგორაა მამაჩემი?!_
    _ეეეჰ გავიდა გაღმა!_
    _სად გაღმა?!_
  _მარილზე!_
  _რა მარილზე?!_
  _მოკვდა,მოკვდა!!!
    ნანულის იტალიური სიტყვა პარადიზო, (სამოთხე) სოფლის სახელი ეგონა!...არ გაინტერესებთ შვილს რა რეაქცია ქონდა ნანულის პასუხზე?!...
  _ ოოო!...უფალმა აცხონოსო!..."ორი სიტყვით " ნანულიმ და შვილმა უცებ მიასამარეს საღ_სალამათი  და ჯანღონით  სავსე ბაბუა!...
სოფელთან დაკავშირებით მოგიყვებით კიდევ ერთ იუმორისტულ ნამდვილ ამბავს.საქართველოდან ქმარი ურეკავს იტალიაში სამუშაოდ წასულ მეუღლეს ქეთის:
-სადახარ მთელი დღე,რომ გირეკავ და არ მპასუხობ ქალო?!
-კამპანიაში წამოვყევი ჩემს ბებიას და ბაბუას და ტელეფონი არ იჭერს!
- შენ საქეიფოდ და კამპანიებში სასიარულოდ გაგიშვი მანდ თუ სამუშაოდ!-ოფოფები აყარა ქმარმა საქართველოში
ცნობისათვის იტალიურად სოფელს კამპანია ქვია! ქეთი სოფელში წაიყვანეს ბებიამ და ბაბუამ... ( ეეეხ ჩემო ქეთიიი! რა გითხრა რით გაგახარო...ყველაფერს აქვს დასასრული და ალბათ  ეს უბედურებაც დასრულდება....)

                _ დარეჯანის იტალიელი ბებია საავადმყოფოში გარდაიცვალა.შვილებმა სახლში მყოფ დაჯიას ტელეფონით შეატყობინეს,რომ ბებია აღარ იყო!...დატრიალდა ჩვენი დარეჯანი,დაცალა „ზალა“.ავეჯს,რომელსაც ვერ მოერია მუქი ფერის „პროსტინები“ ჩამოაფარა!...ზალის შუაგულში სახელდახელოდ კუბოს დასადგმენი მოამზადა და ნოხი გადააფარა!...საავადმყოფოდან „ხელცარიელი“დაბრუნებული შვილები გაკვირვებული უყურებდნენ დარეჯანს,რომელსაც“ზალაში“ სკამები რკალად დაეწყო ,თვითონ ცენტრში დასკუპულიყო, თავზე შავი კაშნი მოეხვია და ქართულ იტალიურად მოთქვამდა ბებიას!...ეხლა ცოტა ხნით დაჯია დავტოვოთ თავის სტიქიაში და მე თქვენ იტალიელების დაკრძალვაზე და სასაფლაოზე მოგიყვებით რაიმეს!...იტალიელები,როგორც იმერეთში იტყვიან " მკვდარს არ გააციებენ" 24 საათში მარხავენ.მიცვალებულს თუ გაუმართლა და საკუთარ სახლში გარდაიცვალა პირდაპირ ეკლესიაში გაარბენინებენ აუგებენ წესს და იქედან კი სასაფლაოზე!... ფლავ- ლობიო,  მიცვალებულის ცეკვა და ა.შ... ამოღებულია დღის წესრიგიდნ!... ჩვეულებრივ მოკვდავებს ე. ი.საშუალო ფენას "ოფშეჟიტიეს" მაგვარი მრავასართულიანი სასაფლაო აქვთ!...მიიტანენ კუბოთი,აწევენ ამწეკრანით და შედგამენ შესაბამის სართულზე, რაც კენჭისყრით შეხვდა,მიადგამენ ოთკუთხედ ბეტონს ამოაცემენტებენ და მიაწერენ სახელსა და გვარს.შემდეგ მიადგამენ კიბეს (რომლის სიგრზე დამოკიდებულია იმაზე რომელ სართულზე შესახლდა მიცვალებული)ნათესავენი სათითაოდ ავლენ გამოემშვიდობებიან,მერე ერთმანეთს დაემშვიდობებიან და წავლენ თავიანთ სახლებში!.. ესაა სულ!...შემდეგ 30 წლის განმავლობაში ოჯახმა ყოველ წელს უნდა იხადოს გარკვეული თანხა, თუ არ გადაიხადეს და დაუგვიანდათ იმ მოციმციმე და მბჟუტავ შუქს,რომელსაც მიცვალებულს თავთან უნთებენ  ამოურთავენ!ამით აჯარიმებენ!... აბა მიცვალებულს ვერ გამოსვამენ გარეთ...30 წლის შემდეგ ძვლებს გამოასახლებენ და ახალ "მდგმურს" შეასახლებენ! და ა.შ.  და ა. შ.....მდიდრებს აქვთ თავიანთი საგვარეულო აკლდამა,ხოლო მიწაში დასაფლავება რომში ყველაზე ძვირადღირებული ყოფილა!უფალო დაილოცოს შენი გზები! ამ მხრივ მაინც  ვყოფილვართ ქართველები იტალიელებზე "მდიდრები!". . . ეხლა ჩვენი მგლოვიარე დაჯია  დავაფასოთ და თხრობას გავაგრძელებ!...
    შვილებმა რის ვაი ვაგლახით აუხსნეს დარეჯანს,რომ ბებიას სახლიდან არ გაასვენებდნენ, არამედ პირდაპის წაიყვანდნენ საავადმყოფოდან სასაფლაოზე...ამას რომ დარეჯანი მიხვდა ქვა ააგდო და თავი შეუშვირა, (რას იტყვიან მეზობლები?!)ბებო მისი სახლიდან უნდა გასვენდესო,თან ქართველ ქალებს გადაურეკა ბებია „მეზარალა“და პანაშვიდზე მოდით თავი არ მომჭრათო!შვილებს ეგონათ,რომ დარეჯანმა ბებიის გარდაცვალებით ფსიქიური ტრამვა მიიღო და მოითათბირეს ამას თუ სურვილს არ ავუსრულებთ, ეს თავს რაიმეს მოწევსო!და ასე და ამრიგად ბებო სახლიდან გაასვენეს ქართული ადათწესით!...ბოტასებში და დახეულ ჯინსებში გამოწყობილი იტალიელი ნათესავები გაკვირვებულები უყურებდნენ ჩვენს დარეჯანს,რომელსაც პანაშვიდზე მისული,სამგლოვიარო ტანსაცმელში გამოწყობილი ქართველი ქალები ნიშადურით ასულიერებდნენ!...დაწყნარდი დაჯია ასე არ შეიძლება,ქმარ შვილი გყავს მისახედიო!...ჰოდა ვაიმეეეე!ბებიას კი არა ჩემს თავს უფრო ვტირი რომ დავრჩი უმუშევარიოოო!.................
  აბა რას მეტყვით ისევ დავბრუნდე?...
  p. s.  დეპეშა გამომიგზავნეს და შემატყობინეს:იტალიელებიც იგინებიან დედასო! მე ეს მხოლოდ ქართველების პრიორიტეტი მეგონა თურმე რა მწარედ ვცდებოდი!... ვაახ კაცო,ხომ არ დაგვაცლის ვინმე პირველობას!. . . მტრები გვყავს ბატონო მტრებიი!!!. . .