ყოველთვის იის თვალებით
არ შემოგხედავს ცხოვრება.
ვინც გუშინ შენთვის მღეროდა,
შეიცვის გულს და გონებას,
სხვის ყურთან აჩურჩულდება,
სხვის გულმკერდს ეამბორება.

გავა წლები და სიზმარში
ტირილით ჩაგეკონება.

***
ამქვეყნად ყველა აღმართზე
უფლის იმედით ვიარე,
ხან ზვავმა გადამიარა,
ხან ზვავზე გადავიარე,
შენი ხმა მენატრებოდა
(ის მომირჩენდა იარებს),
მაგრამ ვერ შევხვდით ერთმანეთს,
გული ვერ გაგიზიარე...

შენ წამით ადრე წასულხარ,
მე წამით დავგვიანე.