წვიმს.
ჩვენ ვწევართ საწოლზე,
ფეხებგადაჭდობილნი და
სრულიად შიშვლები
და ერთმანეთის არ გვრცხვენია.
ფანჯრებს ფარავს სქელი ფარდა
და მხოლოდ ხმით ვხვდებით რომ წვიმს.
შენს მხარზე, ჩემი გრძელი თმის ბულულები ასვენია,
გიღიტინებენ თმის ბულულები და დრო და დრო იცინი,
წვიმს.
შენი ხელი ჩემს მუცელზეა,
ნელნელა ზემოთ აჰყვები და თითს ნაზად მისვამ მკერდზე,
დაბალი, ღუღუნა ხმით მეცინება. თვალებში ჩამყურებ,
ჩემს თვალებში არაა ვნება, არც ცეცხლი,
მხოლოდ მშვიდ ზღვას ხედავ,
რომელიც უსაზღვრო სიყვარულით გიყურებს.