მაწუხებს რაღაც, დრომოჭმულად თუ ვიტყვი სათქმელს
გათოვდა სულში, ოცნებების გაყინულ გუნდებს
ვიგროვებ ხელში, ხან ისე მინდა მარტო რომ დავრჩე
ხან კი.. ბავშვივით ვწუხვარ, გნატრობდი წუხელ..

მუხლისთავებზე არ მეტყობა ლოცვების კვალი
არც ჯვარი მაქვს და გამოგონილს გიკითხავ ლოცვებს,
შენი თითები სანთლებია, თვალებით -ამინ,
დაღლილ მხრებზე ცოლივით გკოცნი..

გამოვიგონე სხვა ცხოვრება, სამყარო -სიზმრის,
სადაც ყულფებით არ გვგუდავენ საკუთარ სახლში,
ჩემი დღეები-გამვლელივით უსიტყვოდ მიდის
როცა შენ არ ხარ..
ამაღამ დარჩი..