აღარ მინდა საკუთარ
თავს სარკეში ვუყურო.
სრული არარაობა,
კანის მიღმა ფუტურო.

პიროვნება გამოშრა,
ამიორთქლდა ხალისი.
სახე ხანჯლად მესობა
კდემამოშლილ ქალისი.

აღარ მინდა ვეძებო
ვინმე თვალთა ბრიალით,
რადგან ჩემში იშლება
კარგი ადამიანი.

და არავის სჭირდება
მომაკვდავი გედები.
არ მაქვს თავი სიმღერის,
თვალშიც ვერ ვიხედები.

სრულო არარაობავ,
კანის მიღმა ფუტურო.
აღარ მინდა გიყურო,
აღარ მინდა გიყურო!