შენ დინებას მიყვები თავქვე გექაჩებიან
ამღვრეული ზვირთები
გზაზე ბევრი ლოდია
ეშმაკების რქებივით ზოგს თვალით ვერ მიწვდები
და მიქრიხარ საოცრად
შენ ცოცხლად არ ითვლები
სანაპიროს მოსდევენ წვრილფეხება ირმები
რქები თავზე საოცარ მახედ გადაქცეულა
მახედ ხალხის იმედის
შენ კი თავქვე ეშვები
და ხმები მთას ირმების
მიაძახებს სამდურავს შენ თუ აღარ იქნები
სანაპირო შორია
შორი როგორც სირცხვილი
როცა შენი ტანიდან ვერ გასტყორცნე მზის სხივი
და სიცოცხლე რა არის?
მხოლოდ თავისულფლება?
რაც გინდა ის აკეთე
მაშ მიენდე ამ ტალღებს რომ მირბიან შორეთში
ქალთევზების განცხრომის და ცდუნების მორევში
ირმები კი მოგსდევენ და თავისკენ გიხმობენ
დაბლა ნუ დაეშვები
მომხიბვლელად კრთებიან ეშმაკების ეშვები
შენ მსხვერპლი ხარ ცხოვრების
მამაშენიც აქ მოკვდა მოლოდინში ცხონების
მკვდარ თევზს მეტი ძალა აქვს
აღმართებზე რბოლაში
ხელი გასძარ ყმაწვილო
მთები გეუბნებიან
მნახველები ათასის
გაიღვიძე დროულად თორემ წინ ჩანჩქერია
პეიზაჟი გარდაქმნის