თქვენ შეიძლება ზაფხულში იყოთ
ჩემთან კი ისევ დეკემბერია,
თქვენ შეიძლება გლოვობდეთ უკვე
აქ კი რატომღაც ისევ მღერიან...


გთხოვ მაპატიე ამპარტავნობა
ჩემი ნათქვამი სხვისი სიტყვები
გთხოვ მაპატიე მოწყენით ყოფნა
მალე საერთოდ აღარ ვიქნები.
გთხოვ მაპატიე ის ნარცისობა,
რომელიც მუდამ თან მდევდა გზაში
გთხოვ მაპატიე ,საკანის ტანჯვა,
რომ თავს ვიღუპავ ჯერ კიდევ ბავშვი.
გთხოვ მაპატიე ცისაკენ სწრაფვა
და სიძულვილი სხეულის,მიწის,
გთხოვ მაპატიე, ეს თავხედობა,
რომ ყველაფერში, არარა ვიცი.
გთხოვ მაპატიე,ღმერთო ძლიერო,
ცოდვილის ავი ,მცდარი ფიქრები
გთხოვ უსამართლოდ განმსაჯო რადგან,
სამართლით შენთან ვეღარ ვიქნები.
კიდევ ერთსა გთხოვ და მეტს არაფერს
თუ წასვლით ვინმე ცხარედ ვატირე,
მათი ტკივილი მე მერგოს ისევ,
მათი ცრემლებიც მე მაპატიე.


ჩემთან ფოთოლიც აღარ აქვს ხეებს
თქვენთან კი ისევ გაზაფხულია,
მე დეკემბერი არ მიშვებს ხელებს
მეთორმეტე თვე დასასრულია... 11.02.2016