''ბირჟები''-როჟები
ქუჩები-ბომჟები
ჰიპები-ჰიტებით
ტიპები-ჯიპებით
თბილისში სოფლელი
იმღერებს ''სოფელო''-ს
და უფრო ანშლაგით
ჩაივლის ''ოტელო''
BMW-თ მოგორდა გოგო და გორილა
მორალი?---დოლარი.
თბილისში ჭრიჭინაც
უზრდელად ჭრაჭუნობს.
და ბავშვის ჭოჭინით დაგორავს ვნება
ფეშენ-ვიკ ფართები
LIVE-ჩართვები
ახალი 'ქართები'
ახალი ცნება.
მე თვალს ავარიდებ
ღამეს და ღამურებს
ამურის გულ-ისარ
ლოვეთა წყებას.
რამეთუ ამური
მშვილდ-ისრით კიარა
ისარ-მშენ, ბნედა-მცემ რაკეტით ჩნდება

მე თვალს ავარიდებ
ღამეს და ღამურებს
ამურის გულ-ისარ
ლოვეთა წყებას
რამეთუ ამური
მშვილდ-ისრით კიარა
ისარ-მშენ ბნედა-მცემ რაკეტით ჩნდება