ზამთრის ბოლო ბუნაგია თებერვალი
ბუნაგში ჩანს ზამთრის მზერა
ვით მშიერი მხეცის თვალი
თუ შორსა ხარ ბედის-წერავ
თებერვალში მომისწარი
ამ დროს თავგანწირვას ვბედავ
ამ თვეს მინდა შევეწირო
რადგან ზამთარს შენში ვხედავ
რადგან თავი შეგაფარა...
    უსულდგმულო მდუმარება
მეუბნება;--''არაფერი''
მდევარივით მივრბი ქარში
''არაფერზე'' მოფიქრალი
ეს შენა ხარ;
--ნაპერწკალად მიკრთი თვალში
ვხუჭავ ფრთხილად,რომ ღმერთ-ქალი
არ გამიქრეს თებერვალში
ვაგროვებ მაგ თვალთა, ფერებს.
როგორც წინწკრებს
როგორც ფიფქებს
ანდა კენჭებს
რომ არ ჩაქრეს ნაპერწკალი
რომ ბჟუტავდეს
რომ თვალს მწვავდეს
ან გხატავდეს თებერვალი
ამინდების ფერწერაში