მე როცა წავალ, ჭექა იქნება დიდი.
და უფრო დიდი ქუხილი იქნება იმ დღეს.
მე როცა წავალ სული გახდება წმინდა.
წვიმა იქნება მშვიდი.
კოკისპირულად ჩემი მოსვლისას წვიმდა.
მე როცა წავალ მელოდიებით ხელში
დაიმსხვრევიან ოცნებები და მერე
არ დაიჯერებს ღმერთი გაგონილ ამბავს
ჩემი მოსვლის თუ თვითონაც არ დავიჯერე.
წავალ და წამებს გამოვატან უსასრულობას,
წავალ და ფერებს შეავსებენ თვითმარქვიები.
წავალ და ქალებს, (ქალებისთვის არსად არ წავალ)
თუ გინდათ ლოთი,
გინდათ გიჟი
და რაც გინდათ ისე დამარქვით...
მე როცა წავალ, ჭექა იქნება დიდი
და უფრო დიდი ქუხილი იქნება იმ დღეს...