მადგას სიდუხჭირის მთები;
კბილს შორდები ნებით ღრძილო;
მუდამ როგორ გავიწყდები
ბედო - ჩემთან გაბღენძილო.
მევსებოდა უნებურად
სიმწრის ცრემლით გულის ფოსო.
სინანული თუ გებურა
მოლოდინო - ცრუვ და ბოზო.
წლებმა ბეგვა კვერი ობლის
ანამცეცა და იმ ქვეყნად
მუდმივობამ უიღბლობის
გამარჯვება დაიკვეხნა.
მოთმინება ანთია თუ
ჩამქრალ ფიქრებს შლის ხან აგებს;
არ აწუხებთ განთიადი
ალკოჰოლის ამხანაგებს.
მედროვეებს ჩემ ხეივანს
მოვაშორებ პანჩურებით.
დავიკიდე არხეინად
ფლიდები და ჩანჩურები.
იმედებით ვიყავ სავსე,
ფუჭად ვფანტე ბეცი ნება;
ვერ ვამსხვრიე კლდე და ნავსი,
ქედს ვიხრი და მეცინება.