ფიქრთა ომების ჩამოწვა ღამე
ოთხ კედელს შორის ტყვედჩავარდნილთა,
რამდენი ბრძოლა დამთავრდა მარცხით,
რამდენი კვდომით, ვინ გადათვლიდა.

ვინ გაიმარჯვებს სასტიკ რბევაში
გონების გულთან, გულთან გონების?
მუდამ ერთურთის დააქვთ რევანში,
ომი სიგიჟის და შთაგონების.

ისმის საათით დროთა დინება,
სიტყვათა რბოლა, რომელიც ვერ ვთქვი,
და სადაცაა დამათენდება
ღამე ისედაც უშენოდ თეთრი...