წუხელ მესტუმრე
და ჩვენ ზავი დავდეთ.
შევრიგდით, მაგრამ მეორე დღეს
მკვლელი გამომიგზავნე.
მომხიბლა მისმა მიზანმა!
ეტყობოდა ღამის ნათევი.
სახურავზე ავედით და ქვევით
ჩავიხედეთ...
იცი? მას შეეშინდა.
ხიბლი დავკარგე.
გავაცილე - კართან შეყოვნდა
შემახსენა ზავის საგანი,
მეც უგზოობით ჩაგრულმა
დავთმე!
ის ხომ მკვლელი იყო...
სიცოცხლის სანაცვლოდ
ოცნებები გავატანე!
გასროლა...
ხმა ყრუ იყო,
შემრჩა მხოლოდ ფიქრი
დაუხვრეტელი!

გიგო რიონელი
3 იანვარი 2017 წელი