მე არ შემიძლია მშვიდად დაძინება
შენი თვალების ქვეშ თუ არ ჩამეძინა,
მაგრამ ცოდვილ მიწამ როგორ გავბედო და
ზეცის სილაჟვარდეს ლაფში მივსცე ბინა.

დამპალ ცხოვრებაში როცა
ჩავიხედე
სულში ბაცილები წამში მრავლდებიან, 
მაგრამ გეფიცები მე ის
მაიმედებს
როცა შენ გიყურებ - სუფთა თვალები მაქვს...

მერე გულისცემაც ისე ფრთხილი არის
როგორც ნორჩ ყლორტებს რომ სიო აშრიალებს,
შენსკენ მომიხმობენ გზები ნაწვიმარი
სულში ტროპიკული ქარი მიტრიალებს.