სიტყვაუთქმელი ალბათ(შენსავით),
ამინდი სულ სხვა იმიჯს იქმნიდა
და გავდა ბრძოლას საკუთარ თავთან
ანუ გაქცეულს მოძღვარს იმ გზიდან,

რომელიც არის უფლის და წვიმა!
აჰა ,ღრუბლებიც დაიცლებიან,
არ დაიჯერო,რომ ეს სიტყვები
დღეს მარხვასავით დაირღვევიან...

(ხედავ?!დღეები სახრჩობელაა,
უშენო წუთსაც შეეტყო დაღლა,
შემაწყდა გულზე იმედის მძივი
და სიკვდილივით მჭირდები ახლა).

სიტყვაუთქმელი ალბათ(შენსავით),
ამინდი სულ სხვა იმიჯს იქმნიდა
და იმედები გასმული ჯვარზე,
დღეს უშენობას წოვდნენ თითიდან.