მზისნაპერწკალა მძივები,
კაბის ფერები, ხალასი,
მზერაში მადლი ხატების
და გულის ათინათები,
სიცილში სხივი ალმასის,
საყურე_დაი ნამისა,
ყვავილზე მოცინარასი.
სანთელი ცისა,ერთისა,
სევდაში სითბო დედისა
და სიტკბო იავნანასი,
მოყვასის დღესასწაული
და მტრისთვის კოშკი "არასი".

ბაღიდან ბაღში გადასულ
სიმღერასავით ლამაზი.

***
მზე_ღმერთის მესაიდუმლე,
მთა_მზისა,ყანა_მთისაო,
ცამ,ვარო სიყვარულისა
და სიყვარული ცისაობს.
მწვანე ბილიკი ცოცხლისა,
თეთრი ბილიკი_მკვდრისაო,
მარადიული ძუძუმტე
დღე_ღამის,ღამე_დღისაო,
ერთ ხატში გამოცხადება
სიცოცხლე-სიკვდილისაო,
ჩვენ_ნათება და წყალობა,
ელვარება და მკრთალობა
იმათი სანთლებისაო.