ვზივარ,ველოდები ერატოს,
თუმცა მომაკითხა ეოლემ
გვერდით არავინ მყავს,
მე მარტოს...
გული გამიჩერდა მეორედ.

მესმის ბაგა-ბუგის არევა,
ვხედავ შავი ფერის ერგატივს,
ამ დროს მთვარიანი ღამეა,
მცივა ვეღარაფრით ვერ გავთბი.

მოდი სიყვარულის ქალღმერთო,
ანუ სწორად რომ ვთქვათ,ეროტი!
მინდა ამ სიცოცხლით გავერთო,
თითქმის საუკუნე გელოდი.

თავი შევაფარე ერმიტაჟს,
ყველგან ოხრადაა უტილი,
ქაოსს სავანეში ვერ ვიტან,
მხოლოდ ამის გამო თუ ვტირი.

თავზე მოვიხსენი ეგრეტი,
ცაში ემპირეას დავეძებ,
შენ თუ ვერ გაიგე მე გეტყვი,
რაც კი მოგინდება დალეწე...

წამში დავუბრუნდი ეოცენს,
მიკვირს აქ რომ დამხვდა ელი
და...
ესეც გადავკარი მეოცედ,
სისხლში ალკოჰოლიც შევიდა...

ვენებს გადაეცათ ექსტაზი,
სულში წასულების მორგია,
მიკვირს ცოცხალი რომ გადავრჩი,
მარტო შევეჩვევი ბოდიალს...