ნინო დარბაისელი
ჭადარი
ამბობს ყინვაში ჭადარი, ბებერი, ნაავადარი: - გული მიდევს თუ ღადარი, შიგ სულ ჩუმი წვა რად არი? აღარ დამიდგა დარი!
ენით ნუ მომექარგები! აქედან აიბარგები, ცოცხლად თუ დამეკარგები - გზად მე ვერ გამოგეგები. სხვა ვინმეს მოერგები.
თუმცა ბადეში გაგები შენთვის ვერ დავიდაგები, შენზე ათასჯერ კარგები - ჩემი ტოლ- ამხანაგები, ალვისა ტანად ნაგები, ბროლ-მინის შესადარი...
უკვე აღარსად არიან, სიკვდილმა ხელი დარია, მკვდარია ყველა, მკვდარია. სამოთხე რა მდიდარია! ანგელოზთ საბედარია, საბადო - საბუდარი.
აქ რაღამ არივ-დარია: ზოგი ცოცხალი - მკვდარია. და ცოცხლობს ბევრი მკვდარი. ღმერთო, რამდენი ცოცხალი, ღმერთო, რამდენი მკვდარი!...
- უფოთლოდ გცივა, ჭადარო, ასჩერებიხარ ზეცას. ზაფხულში - უნდა იხდიდე, ზამთარში - უნდა გეცვას.
კომენტარები |
ილუსტრაციები |
რეცენზიები |
|
2. მშვენიერია... მშვენიერია...
1. მოსაწონია, გულიდანიაა..
ნეტავ სად არი, სად არი, აქ დარი, ჩემი სადარი. ხოომ!. მოსაწონია, გულიდანიაა..
ნეტავ სად არი, სად არი, აქ დარი, ჩემი სადარი. ხოომ!.
|
|
მონაცემები არ არის |
|
|