ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

საით ხარ ახლა? ,,მითხარი საით“
მემსხვრევა მზერა ჰორიზონტს მიღმა
როცა დაღლილი ეხეთქება
ქარების ჯებირს..

ირწევა ღამე ნისლის აკვანში
-ნუ იტყვი სად ხარ ?
ალოკავს წვიმა ხორკლიან ქუჩას,
როგორც ბებერი იმპოტენტის ობიან პენისს
და წუხილივით სამუდამოდ ჩაიწრიტება
გარდაუვალ არსებობაში..

რა გითხრა ნეტა? ,,რაა ახალი“
სად დაიბუდეს შენმა მზეებმა?
ვეძებ დაკარგულ გზაგასაყარებს...

ქარია გარეთ
სადა ხარ ახლა?
მხოლოდ სიზმრები ყვებიან შენზე,
-სიზმრები ძილის საფრთხობელები...

საით ხარ ნეტა?
ლოდებად იქცნენ ჩემი სიტყვები,
შენც კი ვერ დაძრავ..