ჰაუ, რა სილამაზეა,
რა მათრობელა სურნელი,
თუ ამ ყველაფერს შეიგრძნობ,
დარჩები განუკურნელი.

მარტვილი არის სამოთხე,
ხედებს ამაყად გავცქერი,
სულ სხვა ეშხი აქვს კანიონს,
ისევ გიჟმაჟობს ჩანჩქერი.

მიწას დავკოცნი მადლიანს,
ჭყონდიდს ამშვენებს ტაძარი,
მის შუაგულში გიზგიზებს
თვით სიყვარულის ხანძარი.

ცეკვავენ გოგო-ბიჭები,
(ცეკვა არ არის მარტივი),
ისე მაოცებს ეს მხარე,
როგორც მუცო და შატილი.