ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: სოფო88
ჟანრი: პოეზია
23 აპრილი, 2019


* * *

ხვალიდან...ხვალიდან მოვიცლი!..
დღეს ისევ ძალიან ნამდვილი
ჭადრებთან, იმ სკამზე მოვიცდი
არავის ლოდინით დაღლილი
და დაველოდები "არავის..."
არავის, არცერთს და არაფერს
და ასე დაცლილი კარამდის
მივიტან ხვალინდელ განაჩენს
ხვალინდელს... ჰო...უკვე ხვალიდან
გპირდები მე შენთვის მცალია,
მხოლოდ დღეს უბრალოდ ამინდმა
ჭადრები ბოლოჯერ არია,
ქარია, უბრალოდ ქარია
და წვიმაც, დღეს წვიმაც ისეთი
სადა და სველია ძალიან
დაცლას რომ აპირებს ფიქრები,
მიზნებიც... მომდევნო  მიზნები
რომ სინდისს ალალად ჩაუწვეს
და მერე ისეთი ვიქნები
სიზმარსაც სხვას რომ არ დავუშვებ,
ოღონდაც...ოღონდაც მხოლოდ დღეს
მაცადე, რომ ისევ ნამდვილი
ჭადრებთან, იმ სკამზე ჩამოვჯდე
"არავის" ლოდინით დაღლილი.

კომენტარები ილუსტრაციები რეცენზიები