ნუ ტირი, ჩემო სევდიანო.
წყალსაც წაუღია ერთიანად.
ახლა მთავარია- გადაგვირჩეს
კალანჰოე და ჭორიკანა.

ოთახს, კელიას, ბუნაგს, კარცერს
ამოვიშენებ - დავჯდები და
ფარდებგაძარცვულ ფანჯრებიდან,
უპოვარი და უძმაკაცო,
სადაც აისებს დაელიან,
ლექსებს წავუკითხავ მეეზოვეს:
„გამარჯობა ბელა, მე რეზო ვარ...
კონიაკი ბიჭებს დაელიათ“

ნუ ტირი, ჩემო სევდიანო.
წყალსაც წაუღია ერთიანად.
ახლა მთავარია- გადაგვირჩეს
კალანჰოე და ჭორიკანა.