 | ავტორი: ნია მორი
ჟანრი: პოეზია
24 თებერვალი, 2009 |
აქ არაფერი არ იცვლება, -
ფუჭი ხმაური ფუტკარივით აწყდება მინებს,
მინებს მიღმა კი ფრთაფარფატა გაზაფხულია -
ასი ათასი პეპლის ძიძა,
ზედ დარაბებთან მოსულა და იკმევს ბაიებს,
ყელის ძირიდან ამოიძვრენს ჭიამაიებს...
ვაღებ ფანჯარას
და ღრუბელი ჭროღა ორკოლით
მასმევს ხვანჭკარას,
განუმარტავს, თითქმის მოგონილს...
აქ არაფერი არ იცვლება,
დგას ბნელ ოთახში "E" მუდმივა
ხარისხად "X"
და დროს დასცინის.
| კომენტარები |
ილუსტრაციები |
რეცენზიები |
|
| მონაცემები არ არის |
|
| მონაცემები არ არის |
|
|
